നിവിന്‍ പോളി നായകനും നിര്‍മാതാവുമാകുന്ന പുതിയ ചിത്രം ‘ഞണ്ടുകളുടെ നാട്ടില്‍ ഒരിടവേള’യുടെ ആദ്യ ടീസര്‍ പുറത്തിറങ്ങി. എബ്രിഡ് ഷൈന്‍ സംവിധാനം ചെയ്ത ‘ആക്ഷന്‍ ഹീറോ ബിജു’വിന് ശേഷം പോളി ജൂനിയര്‍ പിക്‌ചേഴ്‌സിന്റെ ബാനറില്‍ നിവിന്‍ പോളി നിര്‍മിക്കുന്ന രണ്ടാമത്ത ചിത്രമാണിത്. ഒരു കോമഡി എന്റര്‍ടെയ്‌നറായിരിക്കും ഈ ചിത്രം.
പ്രേമം എന്ന സിനിമയിലൂടെ വെള്ളിത്തിരയിലെത്തിയ അല്‍ത്താഫ് സലീമാണ് ഈ ചിത്രത്തിന്റെ സംവിധായകന്‍. അഹാന കൃഷ്ണകുമാറും ഐശ്വര്യ ലക്ഷ്മിയുമാണ് നായികമാര്‍. സംവിധായകനും നടനുമായ ലാല്‍ ഈ ചിത്രത്തില്‍ ഒരു കേന്ദ്രകഥാപാത്രത്തെ അവതരിപ്പിക്കുന്നു. പ്രേമം സിനിമയില്‍ അഭിനയിച്ച കൃഷ്ണ ശങ്കര്‍, ഷറഫുദ്ധിന്‍ , സിജു വില്‍സണ്‍ തുടങ്ങിയവരും ദിലീഷ് പോത്തന്‍, സൈജു കുറുപ്പ് എന്നിവരും ചിത്രത്തിലെ മറ്റുതാരങ്ങളാണ്.
