എടത്വയിലെ വിശുദ്ധ ഗീവര്‍ഗീസ് പുണ്യവാളന്‍റെ തിരുനാളാണ് ഇന്ന് .ഏപ്രില്‍ 27 ന് ആണ് പള്ളി പെരുന്നാളിനു കൊടിയേറിയത്. തിരുനാളില്‍ പങ്കു കൊള്ളാന്‍ നാടിന്‍റെ നാനാ ഭാഗത്തുനിന്നും ക്രൈസ്തവരും മറ്റു വിശ്വാസികളും പള്ളിയില്‍ എത്തിച്ചേര്‍ന്നിട്ടുണ്ട്. ഏടത്വാപള്ളിയുടെ 200 മത് വാര്‍ഷികം 2010 ല്‍ ആഘോഷിക്കും
രണ്ടു നൂറ്റാണ്ടോളമായി തീര്‍ഥാടകര്‍ക്ക് ആശയും അഭയവുമായി നില നില്‍ക്കുകയാണ് എടത്വായിലെ ഗീവര്‍ഗീസ് പുണ്യവാളന്‍ . വിശുദ്ധ ഗീവര്‍ഗീസിന്‍റെ അനുഗ്രഹം തേടി നാനാജാതിമതസ്ഥരായ ഭക്തജനലക്ഷങ്ങളാണ് എടത്വായിലേക്ക് വര്‍ഷംതോറും പ്രവഹിക്കുന്നത്.
വിശുദ്ധ ഗീവര്‍ഗീസിന്‍റെ നാമത്തില്‍ സ്ഥാപിതമായ ദേവാലയം ആയിരങ്ങള്‍ക്ക് ആശ്രയവും തീര്‍ഥാടകര്‍ക്ക് അനുഗ്രഹവുമാണ് . അത്ഭുത പ്രവര്‍ത്തകനും മധ്യസ്ഥനുമായി അറിയ പ്പെടുന്ന എടത്വാ പുണ്യവാളന്‍ ഭക്തജനങ്ങള്‍ക്ക് പ്രത്യക്ഷ വിശ്വാസമാണ് മാനസിക രോഗികളും ബാധാഉപദ്രവമുള്‍ലവരും വിശുദ്ധന്‍റെ രൂപത്തെ അഭയകേന്ദ്രമായി കരുതുന്നു.
പള്ളിമുറ്റത്തെ തേക്കുമരത്തിനു അത്ഭുതശക്തിയുടെ അംശമുണ്ടെന്നു ഭക്തജനങ്ങള്‍ കരുതുന്നു. വേനലില്‍ ഇല പൊഴിഞ്ഞു മുരടിച്ചു നില്‍ക്കുന്ന തേക്കുമരം പെരുനാള്‍ അടുക്കുന്പോള്‍ ഇലകള്‍ വന്നു ഹരിതാഭമാകും കൊടിമരച്ചോട്ടില്‍ ഒഴിക്കുന്ന നേര്‍ച്ച വെളിച്ചെണ്ണ ചെറിയ കുപ്പികളില്‍ സൂക്ഷിച്ചുവച്ച് ശാരീരികവേദനകള്‍ക്ക് ഔഷധമായി ഉപയോഗിക്കുക പതിവാണ്
1810 സെപ്റ്റംബര്‍ 29-നായിരുന്നു ദേവാലയത്തിന്‍റെ തറക്കല്ലിടല്‍ ഏടത്വാ ഉള്‍പെട്ടിറ്റുന്ന വാരാപ്പുഴ രൂപതയുടെ മെത്രാനായിരുന്ന റെയ്മണ്ട് തിരുമേനിയാണ് ദേവാലയസ്ഥാപനത്തിനുള്ള അനുമതി നല്‍കിയത്.
കേരളത്തിലെ ക്രൈസ്തവതീര്‍ഥാടന കേന്ദ്രങ്ങളില്‍ എടത്വാപള്ളിക്ക് പ്രമുഖ സ്ഥാനമാണ് അര്‍ഹിക്കുന്നത്. കുട്ടനാടിന്‍റെ ആത്മീയ തലസ്ഥാനമാണ് എടത്വാ .1811 ഏപ്രില്‍ 27നു ആയിരുന്നു എടത്വാപള്ളിയിലെ ആദ്യത്തെ തിരുനാളിനു കൊടിയേറിയത്.
