ആറുവര്‍ഷത്തിന് ശേഷം ഷാജി കൈലാസ് മടങ്ങിവരുന്ന ‘കടുവ’ എന്ന സിനിമയുടെ ബജറ്റിനേക്കുറിച്ചോ ഷൂട്ടിംഗിന് വേണ്ടിവരുന്ന സമയത്തേക്കുറിച്ചോ ഇപ്പോള്‍ പറയാനാകില്ലെന്ന് തിരക്കഥാകൃത്ത് ജിനു ഏബ്രഹാം. അത്തരം കൃത്യമായ പദ്ധതികള്‍ ഈ സിനിമയ്ക്ക് വച്ചുപുലര്‍ത്താനാകില്ലെന്നും അത്രയും വലിയ സിനിമയാണ് കടുവയെന്നും ജിനു പറയുന്നു.
താനോ തന്‍റെ തലമുറയിലുള്ളവരോ അല്ല, ഷാജി കൈലാസിനെപ്പോലെ ഒരു മാസ്റ്റര്‍ ഡയറക്ടറാണ് ഈ തിരക്കഥ സിനിമയാക്കേണ്ടതെന്ന നിര്‍ബന്ധമുള്ളതിനാലാണ് അദ്ദേഹത്തിലേക്ക് എത്തിയതെന്നും മനോരമയ്ക്ക് അനുവദിച്ച അഭിമുഖത്തില്‍ ജിനു ഏബ്രഹാം പറയുന്നു.
