ഭൂമിയെ പ്രതിനിധീകരിക്കുന്ന മണ്കലവും അരിയും, മറ്റു ഭൂതങ്ങളായ വായു, ജലം, ആകാശം, അഗ്നി എന്നിവയോടു ചേരുമ്പോള് ഉണ്ടാകുന്ന ആനന്ദമാണ് യഥാര്ത്ഥത്തില് പൊങ്കാല നെവേദ്യം. പൊങ്കാലയ്ക്ക് പുതിയ മണ്കലവും പച്ചരിയും ശര്ക്കരയും നെയ്യും നാളികേരവും മറ്റുമാണ് ഉപയോഗിക്കുന്നത്. പഞ്ചഭൂതാത്മകമായ ശരീരത്തില് ഉള്ക്കൊണ്ടിരിക്കുന്ന അംശങ്ങള് ഒന്നിച്ചു ചേരുമ്പോള് അതില് നിന്നുണ്ടാകുന്ന ആനന്ദം പ്രതീകാത്മാകമായ ഒന്നാണ്.