അഷ്ടപുഷ്പങ്ങള് പുന്ന, വെള്ള എരുക്ക്, ചമ്പകം, നന്ത്യാരവട്ടം, നീലോല്പ്പലം, പാതിരി, അലരി, ചെന്താമര.
അഷ്ടബന്ധം ബിംബം പീഠത്തില് ഉറപ്പിക്കാനുള്ള മരുന്നുകൂട്ടാണ് - ശംഖ് പൊടി, കടുക്കാപ്പൊടി, ചെഞ്ചല്യപ്പൊടി, കോഴിപ്പരല്, ആറ്റുമണല്, നെല്ലിക്കാ പൊടി, കോലരക്ക്, നൂല്പ്പഞ്ഞി ഇവ എട്ടും 41 ദിവസം ഇടിച്ച് പാകപ്പെടുത്തിയാല് അഷ്ടബന്ധമായി.
അഷ്ടമംഗല്യം കുരവ, കണ്ണാടി, വിളക്ക്, പൂര്ണ്ണകുംഭം, വസ്ത്രം, നിറനാഴി, മംഗളസ്ത്രീ, സ്വര്ണ്ണം എന്നിവ മംഗള സൂചകമായ എട്ടെണ്ണമാണ്. മറ്റൊരു തരത്തില് പറഞ്ഞാല് ബ്രാഹ്മണന്, പശു, അഗ്നി, സ്വര്ണ്ണം, നെയ്യ്, ആദിത്യന്, ജലം, രാജാവ്.
കേരളത്തില് അഷ്ടവൈദ്യന്മാരും വളരെ പ്രസിദ്ധരാണ്. കുട്ടഞ്ചേരി മൂസ്സ്, പ്ലാന്തോള് മൂസ്സ്, വയസ്കര മൂസ്സ്, ഇളയടത്ത് തൈക്കാട്ട് മൂസ്സ്, തൃശൂര് തൈക്കാട്ട് മൂസ്സ്, വെള്ളൊട്ട് മൂസ്സ്, ആലത്തൂര് നമ്പി, കാര്ത്തോട്ട് ഈ ഇല്ലക്കാര്ക്ക് പരശുരാമന് വൈദ്യശാസ്ത്രം ഉപദേശിച്ചു.
നമസ്കരിക്കുമ്പോള് സാഷ്ടാംഗ നമസ്കാരം ചെയ്യാറുണ്ട്. എട്ട് അംഗങ്ങള് ഭൂമിയില് സ്പര്ശിച്ചുകൊണ്ടുള്ള നമസ്കാരമാണിത് - രണ്ട് കൈകള്, രണ്ട് കാല്മുട്ടുകള്, തോളുകള്, നെഞ്ച്, നെറ്റി.
ആയുര്വ്വേദത്തിലെ പ്രമാണ ഗ്രന്ഥമാണ് അഷ്ടാംഗഹൃദയം. എട്ട് കാര്യങ്ങളില് ചികിത്സ നടത്തുന്നതിനാലാണ് ഈ പേരു വന്നത്. കായം, ബാലം, ഗ്രഹം, ഊര്ധ്വാംഗം, ശല്യം, ദംഷ്ട്രം, ജര, വൃഷം എന്നിവ.