വീടിനു ചുറ്റും മരങ്ങള്‍ വയ്ക്കുന്നത് ഒരു നല്ല കാര്യമാണ്. നല്ല തണലും തണുപ്പും വീടിനും പരിസരത്തിനുമേകാന്‍ വൃക്ഷങ്ങള്‍ക്കാവും. ഇവ ഐശ്വര്യം വര്‍ഷിക്കുന്ന വൃക്ഷങ്ങളും ചെടികളുമാണെങ്കിലോ? അങ്ങനെയും ഒരു സംഗതിയുണ്ട്. വീടിനു ചുറ്റും മരങ്ങളുള്ളത് വീടിനും കുടുംബത്തിനും ഐശ്വര്യം നല്‍കും. അതേസമയം അസ്ഥാനത്തു നില്‍കുന്ന മരങ്ങള്‍ വീടിനു ദോഷം ചെയ്യുകയും ചെയ്യും.
ശ്രദ്ധിക്കേണ്ട മറ്റൊരു കാര്യം, വീടിന്റെ തൊട്ടടുത്ത് വീടിനേക്കാള്‍ ഉയരത്തിലുള്ള മരങ്ങള്‍ ദോഷകരമാണ്. ഇവ മുറിച്ചുമാറ്റുന്നതാണ് ഉത്തമം. ഉയരമുള്ള മരം വീടിനരികെ നിന്നും അതിന്‍റെ ഇരട്ടി ദൂരത്താണ് നില്‍കുന്നതെങ്കില്‍ ദോഷകരമല്ല.
