വീട്ടിലെ അഞ്ചുപേര്‍ക്ക് ആക്ടിവിറ്റി ഏരിയയിലെ പ്ലാസ്മ ടിവിയില്‍ നിന്നും ആവശ്യമായി വേണ്ടിവരുന്ന വസ്തുക്കള്‍ തിരഞ്ഞെടുക്കാം. അതിനായി പ്രത്യേകം സമയവും ബിഗ് ബോസ് നല്‍കുന്നു. ടീം വര്‍ക്ക് ആയി വേണം പണികള്‍ ചെയ്തു തീര്‍ക്കാന്‍. വീക്കിലി ടാസ്‌കിലെ പ്രകടനത്തിനനുസരിച്ച് ശോഭ, ശ്രുതി, അഞ്ജൂസ്, നാദിറ, സെറീന എന്നിവരാണ് ഇത്തവണ പോയത്. സാധനങ്ങള്‍ തെരഞ്ഞെടുക്കുന്ന ജോലി ശ്രുതിയും ശോഭയും ചേര്‍ന്ന് നിര്‍വഹിച്ചു. സെറീന ബോര്‍ഡില്‍ എഴുതാനും, അഞ്ജൂസ്, നാദിറ എന്നിവര്‍ കണക്ക് നോക്കുകയും ചെയ്തു. എന്നാല്‍ ബിഗ് ബോസ് തന്നിട്ടുള്ള പോയിന്റില്‍ കൂടുതല്‍ പര്‍ച്ചേസ് ചെയ്യാന്‍ പാടില്ല .അങ്ങനെ വരുകയാണെങ്കില്‍ എല്ലാം പോയന്റും നഷ്ടമാകും.
