മോട്ടോറോളയുടെ ഏറ്റവും പുതിയ സ്മാര്‍ട്ട്ഫോണുകളായ മോട്ടോ ജി5 എസ്, മോട്ടോജി 5എസ് പ്ളസ് എന്നിവ വിപണിയിലെത്തി. തകര്‍പ്പന്‍ ബാറ്ററിയാണ് മോട്ടോ ജി5 എസിന്റെ കരുത്തെന്നാണ് റിപ്പോര്‍ട്ട്. 15 മിനിറ്റ് ചാര്‍ജ്ചെയ്താല്‍ അഞ്ചുമണിക്കൂര്‍ പ്രവര്‍ത്തിക്കുമെന്നും കമ്പനി അവകാശപ്പെടുന്നു. 16 എംപി ഓട്ടോ ഫോക്കസ് ക്യാമറയും ഈ ഫോണില്‍ നല്‍കിയിട്ടുണ്ട്.
അതേസമയം, മോട്ടോ ജി5 എസ് പ്ളസിന് 13 എംപിയുടെ ഡ്യുവല്‍ ക്യാമറകളാണ് നല്‍കിയിട്ടുള്ളത്. 5.5 ഫുള്‍ എച്ച്‌ഡി ഡിസ്പ്ളേ, ക്വാള്‍കോം സ്നാപ് ഡ്രാഗണ്‍ 2.0 ഗെഹാഹെട്സ് ഒക്ടാകോര്‍ പ്രോസസര്‍, 3000 എംഎഎച്ച്‌ ബാറ്ററി ടര്‍ബോപവര്‍ ചാര്‍ജര്‍, 4 ജിബി റാം, 64 ജിബി സ്റ്റോറേജ് എന്നിങ്ങനെയുള്ള ഫീച്ചറുകളും ഫോണിലുണ്ട്.
ലൂനാര്‍ ഗ്രേ, ബ്ളഷ്ഗോള്‍ഡ് എന്നീ നിറങ്ങളിലാണ് ഫോണുകള്‍ ലഭ്യമാകുക. മോട്ടോജി5 എസ് പ്ളസിന് 15,999 രൂപയും മോട്ടോജി5എസിന് 13,999 രൂപയുമാണ് വില.
