ഇത്തവണത്തെ ലോകകപ്പില്‍ ലയണല്‍ മെസിയുടെ മാജിക് എന്തായിരിക്കുമെന്ന് കാത്തിരിക്കുന്നവര്‍ക്ക് ഹൃദയം നിറയെ സന്തോഷിക്കാനുള്ള വകയാണ് ഇപ്പോള്‍ മെസി നല്‍കുന്നത്. താന്‍ തന്നെയായിരിക്കും റഷ്യന്‍ ലോകകപ്പിന്‍റെ ശ്രദ്ധാകേന്ദ്രമെന്ന് ഉറക്കെ പ്രഖ്യാപിക്കുന്ന പ്രകടനമായിരുന്നു കഴിഞ്ഞ ദിവസം ഹെയ്ത്തിക്കെതിരെ മെസി കാഴ്ചവച്ചത്.
സൌഹൃദമത്സരത്തില്‍ ഹെയ്ത്തിയെ അര്‍ജന്‍റീന തകര്‍ത്തത് നാല് ഗോളുകള്‍ക്കായിരുന്നു. ലയണല്‍ മെസിക്ക് ഹാട്രിക് ഗോള്‍ നേട്ടം. മെസി തന്നെയായിരുന്നു മത്സരത്തിന്‍റെ താരം. അഥവാ, മെസി ചലിക്കുന്നതിനൊപ്പമായിരുന്നു മത്സരഫലവും കാണികളുടെ കണ്ണുകളും.
