സ്വഭാവം കൊണ്ടും, കായിക പരിശീലനം വഴിയും രണ്ടു ധ്രുവങ്ങളിലാണ് ഇരുവരും. മെയ് വെതർ വഴക്കാളിയും തന്‍റേടിയുമായാണ് അറിയപ്പെടുന്നതെങ്കിൽ, മാനി സൗമ്യനും ശാന്തശീലനുമാണ്. കാമുകിയെ മക്കളുടെ മുന്നിലിട്ട് തല്ലിച്ചതച്ചതിന് രണ്ടുമാസം ജയില്‍ കിടന്നിട്ടുള്ളയാളാണ് മെയ് വെതര്‍. എന്നാല്‍ ഫീലിപ്പീന്‍സില്‍ മികച്ച ജനപിന്തുണയുള്ള പാക്വിയാവോ അടുത്ത പ്രസിഡന്റാകും എന്ന പ്രതീക്ഷിക്കുന്ന വ്യക്തിയാണ്. മത്സരത്തിന്‍റെ പ്രചാരണം കൊഴിപ്പിക്കാൻ പക്വിയാവോയെ നന്മയുടെ പ്രതീകമായും മെയ് വെതറെ തിന്മയുടെ ആൾരൂപമായുമാണ് ചിത്രീകരിക്കുന്നത്. എന്നാല്‍ മ‍ത്സരം നന്മ-തിന്മകളുടെ മ‍ത്സരമല്ലെന്നും റിങിലെ മികച്ചവന്‍ ആരാണെന്നറിയുന്നതിനുള്ള പോരാട്ടമാണെന്നും മെയ്പെതര്‍ പറഞ്ഞു.
