മലേഷ്യയില്‍ നടക്കുന്ന ഏഷ്യന്‍ സ്കൂള്‍ അത്‌ലറ്റിക് മീറ്റില്‍ കേരളത്തിന്റെ പിയു ചിത്രക്ക് സ്വര്‍ണം. പെണ്‍ട്ടികളുടെ 3000 മീറ്റര്‍ ഓട്ടത്തിലാണ് ചിത്ര സ്വര്‍ണം കരസ്ഥമാക്കിയത്. പാലക്കാട് മുണ്ടൂര്‍ സ്കൂളിലെ വിദ്യാര്‍ഥിനിയാണ് ചിത്ര. മീറ്റിലെ ആദ്യ സ്വര്‍ണമാണ് ചിത്രയുടേത്.
കഴിഞ്ഞ ജനുവരിയില്‍ ഇറ്റാവയില്‍ നടന്ന ദേശീയ സ്കൂള്‍ കായിക മേളയില്‍ ചിത്ര ടിപ്പിള്‍ സ്വര്‍ണം കരസ്ഥമാക്കിയിരുന്നു. ഇതിനു തുടര്‍ച്ചയായാണ് മലേഷ്യയിലും ചിത്ര സ്വര്‍ണകൊയ്ത്ത് നടത്തിയത്. പാലക്കീഴ് പിടി ഉണ്ണികൃഷ്ണന്റെയും വസന്തകുമാരിയുടെയും നാലുമക്കളില്‍ മൂന്നാമതാണ് ചിത്ര. മുണ്ടൂര്‍ ഹയര്‍സെക്കന്‍ഡറി സ്കൂളിലെ കായികാധ്യാപകന്‍ എന്‍ എസ് സിജിന്‍ ആണ് ചിത്രയിലെ താരത്തെ കണ്ടെത്തിയത്.
സംസ്ഥാനകായികമേളയില്‍ 3,000 മീറ്ററില്‍ മൂന്നാംസ്ഥാനം നേടിയതാണ് ആദ്യ മികച്ചവിജയം. 2012-ല്‍ 3,000 മീറ്ററില്‍ ഒന്നാംസ്ഥാനം ലഭിച്ചു. ഇതിനുശേഷം ഈ വര്‍ഷം ഇറ്റാവയില്‍ മൂന്നിനങ്ങളില്‍ സ്വര്‍ണം നേടി.
