ഭാരതീയരുടെ ആചാരങ്ങളുടെയും വിശ്വാസങ്ങളുടെയും ഭാഗമാണ് മംഗളകർമ്മങ്ങൾക്കായി വെറ്റില തിരഞ്ഞെടുക്കുന്നത്. പ്രധാനമായും കുടുംബങ്ങളിൽ എന്തെങ്കിലും മംഗള കർമ്മങ്ങൾ നടക്കുമ്പോൾ വെറ്റില ഉപയോഗിക്കുന്നത് പതിവാണ്. എന്നാൽ ഇതെന്തിനാണെന്നത് പലർക്കും അറിയില്ല എന്നതാണ് വാസ്‌തവം. പണ്ട് കാലം മുതൽ കണ്ടുവരുന്നതായതുകൊണ്ട് അത് ഇപ്പോഴും തുടർന്ന് പോകുന്നവരും ഉണ്ട്.
ആചാരങ്ങളുടെ ഭാഗമായി ഹൈന്ദവ ഗൃഹങ്ങളിലാണ് വെറ്റില കൂടുതലായി ഉപയോഗിക്കുന്നത്. ത്രിമൂർത്തി സങ്കൽപം വെറ്റിലയില്‍ കുടികൊള്ളുന്നതായിട്ടാണ് വിശ്വാസം. വെറ്റില തുമ്പില്‍ മഹാലക്ഷ്മിയും മദ്ധ്യത്തിൽ സരസ്വതിയും ഞെട്ടിൽ ജ്യേഷ്ഠ ഭഗവതിയും ഇടതു ഭാഗത്ത് പാർവ്വതി ദേവിയും വലതുഭാഗത്ത് ഭൂദേവതയും കുടികൊള്ളുന്നുതായിട്ടാണ് ആചാര്യന്മാര്‍ ഗ്രന്ഥങ്ങളില്‍ പറഞ്ഞിരിക്കുന്നത്.
