നൂറ്റാണ്ടുകള്‍ പിന്നോട്ട് പോയാല്‍ എക്കാലത്തെയും പ്രണേതാക്കള്‍ക്ക് വാലൈന്‍റൈന്‍റെ തപ്ത നിശ്വാസങ്ങള്‍ കേള്‍ക്കാനായേക്കാം. കുറേക്കൂടി ശ്രദ്ധിച്ചാല്‍ പ്രണയത്തിന്‍റെ അവസാന വാചകം, ''നിന്‍റെ സ്വന്തം വാലന്‍റൈന്‍" ഇന്നും ജീവസ്സുറ്റതായി നില്‍ക്കുന്നതും കാണാം.
വിവാഹത്തിന് അനുകൂലമായി വാദിച്ചിരുന്ന വാലന്‍റൈന്‍, രാജാവിന്‍റെ അപ്രീതിക്ക് പാത്രമാവാനും തുറുങ്കിലാവാനും അധികസമയം വേണ്ടിവന്നില്ല. തുറുങ്കിലായിരുന്നിട്ടുകൂടി വാലന്‍റൈനിന്‍റെ കാമുകഹൃദയം അടങ്ങിയിരുന്നില്ല. അതിന്‍റെ തുടിപ്പുകള്‍ക്ക് മറുപടി ലഭിച്ചതോ ജയില്‍ അധികാരിയുടെ മകളില്‍ നിന്നും!
അതിശക്തമായ പ്രണയ സപര്യയ്ക്കായിരുന്നു വാലന്‍റൈനെ അടച്ച റോമന്‍ ജയില്‍ സാക്‍ഷ്യംവഹിച്ചത്. മരണം മുന്നില്‍ കണ്ടുകൊണ്ടുള്ള ആ കാമുകഹൃദയം അവസാനമായി കാമുകിക്ക് എഴുതിയ സന്ദേശത്തില്‍ ഇങ്ങിനെ എഴുതി, ''നിന്‍റെ സ്വന്തം വാലന്‍റൈന്‍". ആ വാചകം നൂറ്റാണ്ടുകളായി അലയൊലികൊള്ളുന്നു... കാമുക ഹൃദയങ്ങളിലൂടെ.
