വ്യാപം അഴിമതി കേസില് ആരോപണ വിധേയനായ മധ്യപ്രദേശ് ഗവര്ണര് രാം നരേഷ് യാദവിനെ തത്സ്ഥാനത്തു നിന്ന് മാറ്റിയേക്കും. വിവാദങ്ങളുടെ പശ്ചാത്തലത്തില് മധ്യപ്രദേശ് ഗവര്ണറെ നീക്കം ചെയ്യണമെന്ന് ആവശ്യപ്പെട്ട് ഹര്ജി സമര്പ്പിച്ചിരുന്നു. ഹര്ജി പരിഗണിച്ച സുപ്രീംകോടതി ഈ വിഷയത്തില് മധ്യപ്രദേശ് സര്ക്കാരിനും ഗവര്ണര്ക്കും കേന്ദ്രസര്ക്കാരിനും നോട്ടീസ് അയച്ചിരുന്നു.
