വിവാഹം സ്വർഗത്തിൽ വെച്ച് നടക്കുന്നു. ഭൂമിയിൽ വെച്ച് അത് ആഘോഷിക്കുന്നു. ഓരോ വിവാഹവും ആഘോഷമാണ്. എന്നിരുന്നാലും, ഉദയ്പൂർ ജില്ലയിലെ ഒരു ആദിവാസി ദമ്പതികൾക്ക് നീണ്ട 50 വർഷങ്ങൾക്ക് ശേഷമാണ് വിവാഹം ആഘോഷിക്കാൻ കഴിഞ്ഞത്.
അമ്പത് വർഷം മുൻപ് ദമ്പതികൾ ഒരുമിച്ച് ജീവിക്കാൻ തീരുമാനിച്ചെങ്കിലും ഇരുവരുടേയും കുടുംബങ്ങൾക്ക് വിവാഹം നടത്താനുള്ള സാഹചര്യമുണ്ടായിരുന്നില്ല. ഇതിനാൽ ഇരുവരും ആചാരപ്രകാരം വിവാഹിതരാകാതെ ഒന്നിച്ച് താമസിക്കുകയായിരുന്നു. കാലം ഒരുപാട് കഴിഞ്ഞ് പോയപ്പോൾ ദമ്പതികൾക്ക് അഞ്ചു പെണ്മക്കളും രണ്ട് ആൺകുട്ടികളും ഉണ്ടായി. ഇരുവരുടേയും കുടുംബം ഇപ്പോൾ നാലാം തലമുറയിൽ എത്തി നിൽക്കുകയാണ്.
