ഇന്ത്യക്കാര്‍ സ്മാര്‍ട്ടാണെന്ന് പറഞ്ഞാ ഒരു പക്ഷേ അതിശയോക്തിയാണെന്നു പറഞ്ഞേക്കം. എന്നാല്‍ സ്മാര്‍ട്ട് ഫോണ്‍ ഉപയോഗിക്കുന്ന കാര്യത്തില്‍ കുറഞ്ഞ പക്ഷം ഇന്ത്യക്കാര്‍ സ്മാര്‍ട്ടാണെന്ന് നിങ്ങള്‍ക്ക് സമ്മതിച്ചെ മതിയാകു. കാരണം ഒരു അമേരിക്കക്കാരന്‍ ഉപയോഗിക്കുന്നതിനേക്കാള്‍ കൂടുതല്‍ സ്മാര്‍ട്ട് ഫോണ്‍ ഉപയോഗിക്കുന്നത് ഒരിന്ത്യക്കാരനാണെന്ന് കണക്കുകള്‍ പറയുന്നു.
രാജ്യത്തിലെ വിവിധ ഭാഗങ്ങളില്‍ നിന്നായി 18 നഗരങ്ങളേയാണ് പഠനത്തിനായി വിനിയോഗിച്ചത്. ഇത്രയും നഗരങ്ങളില്‍ നിന്നായി സ്മാര്‍ട്ട്‌ഫോണ്‍ ഉപയോക്താക്കളാണ് ഈ പഠനത്തിനായി എറിക്‌സണിനോട് സഹകരിച്ചത്. 2014 ഏപ്രില്‍, ജൂണ്‍ മാസങ്ങളില്‍ നടന്ന പഠനത്തില്‍ ഇന്ത്യക്കാരുടെ സ്മാര്‍ട്ട് ഫോണ്‍ ഉപയോഗത്തേ കുറിച്ച് മനസിലാക്കാന്‍ ഇവര്‍ക്കായി.
സോഷ്യല്‍ നെറ്റ്‌വര്‍ക്കിംഗിലും ചാറ്റിങ് ആപ്ലിക്കേഷനുകളിലും മാത്രം ഒതുങ്ങി നില്‍ക്കുന്നവരല്ല ഇന്ത്യക്കാര്‍, ബിസിനസ്സ് ആവശ്യങ്ങള്‍ക്കായി,ഓണ്‍ലൈന്‍ ഷോപ്പിങ്,പോര്‍ട്ടബിള്‍ വീഡിയോ പ്ലെയര്‍തുടങ്ങി പല കാര്യങ്ങള്‍ക്കായി ഇന്ന് ഇന്ത്യക്കാര്‍ സ്മാര്‍ട്ട് ഫോന്‍ ഉപയോഗിക്കുന്നു.
