ഹോട്ടലുകളിൽ വിതരണം ചെയ്യാൻ കൊണ്ടുവന്ന 1300 കിലോ പട്ടിയിറച്ച് പിടികൂടിയതിന് പിന്നാലെ ചെന്നൈയിൽ ബീഫ്, മട്ടൻ തുടങ്ങിയവയ്‌ക്ക് വൻ നഷ്‌ടം. രാജസ്ഥാനില്‍ നിന്ന് ട്രെയിന്‍ മാര്‍ഗം എത്തിച്ച പട്ടിയിറച്ചി ചെന്നൈ എഗ്‌മോര്‍ റെയില്‍‌വേ സ്‌റ്റേഷനില്‍ നിന്നാണ് കഴിഞ്ഞ ദിവസം ഭക്ഷ്യസുരക്ഷാ ഉദ്യോഗസ്ഥർ കണ്ടെടുത്തത്.
അതേസമയം, ചെറിയ ബിരിയാണി കടകളിൽ 100 രൂപയ്‌ക്കും മറ്റും ലഭിക്കുന്ന ബക്കറ്റ് ബിരിയാണിയിലും ഇത്തരത്തിലുള്ള മാംസമാണ് ഉപയോഗിക്കുന്നത് എന്ന സംശയവും ആളുകൾക്ക് വന്നിരിക്കുകയാണ്. കോഴിയെ പുറമേ നിന്ന് വാങ്ങുന്നതിന് 100 രൂപയിൽ കൂടുതൽ വിലയാകുമെന്നും എന്നാൽ ചില കടകളിൽ ബിരിയാണി നൽകുന്നത് നിസ്സാരമായ 100 രൂപയ്‌ക്ക് ആണെന്നതും അപ്പോൾ ലാഭം എന്താണ് ഉള്ളതെന്നും ആണ് ആളുകൾക്ക് ഇപ്പോൾ സംശയം ഉണ്ടാകാനുള്ള പ്രധാന കാരണം.
