തനിക്കെതിരെ പോരാടാനുറച്ച പനീർസെൽവത്തെ ശശികല പാർട്ടിയുടെ ട്രഷറർ സ്ഥാനത്തുനിന്ന് പുറത്താക്കിയതിനു പിന്നാലെയാണിത്. പുതിയ ട്രഷററായി ദിന്‍ഡിഗല്‍ ശ്രീനിവാസനെ തെരഞ്ഞെടുത്തതായും ശശികല അറിയിച്ചു. പനീർസെൽവത്തിന്റെ പിന്നിൽ ഡി എം കെയാണെന്ന് ആരോപിച്ചു. തന്റെ പിന്നിൽ എം എൽ എമാർ ഒറ്റക്കെട്ടാണ്. പാർട്ടിയിൽ പിളർപ്പില്ലെന്നും ശശികല വ്യക്തമാക്കി.
അതേസമയം, പാർട്ടിയിൽനിന്ന് പുറത്താക്കിയതിനെ പനീർസെൽവം ചിരിച്ചുതള്ളി. ശശികല ജയലളിതയുടെ ആഗ്രഹങ്ങൾ അട്ടിമറിച്ചു. ജയയുടെ മരണത്തിനു മുൻപേതന്നെ നേതൃമാറ്റത്തിന് കളമൊരുക്കിയെന്നും അദ്ദേഹം ആരോപിച്ചു. തന്നെ പാര്‍ട്ടിയുടെ ട്രഷററാക്കിയത് ജയലളിതയാണെന്നും മറ്റാര് പറഞ്ഞാലും താന്‍ സ്ഥാനത്തുനിന്ന് മാറില്ലെന്നും പനീര്‍ശെല്‍വം പറഞ്ഞു.
