വെളുത്തുള്ളിക്കും ഉള്ളിക്കും കിലോയ്ക്ക് 50 പൈസയില്‍ താഴെ വില വന്നതില്‍ പ്രതിഷേധിച്ച് കാര്‍ഷിക ഉല്‍പന്നങ്ങള്‍ റോഡില്‍ ഉപേക്ഷിച്ച് കര്‍ഷകര്‍. മധ്യപ്രദേശിലെ കര്‍ഷകരാണ് ഉള്ളിയും വെളുത്തുള്ളിയും റോഡില്‍ ഉപേക്ഷിച്ചത്. വിളകള്‍ക്ക് മിനിമം താങ്ങുവില ഉറപ്പു നല്‍കണമെന്നും കര്‍ഷകര്‍ ആവശ്യപ്പെട്ടിട്ടുണ്ട്. നദിയിലേക്ക് വെളുത്തുള്ളികള്‍ വലിച്ചെറിയുന്ന ദൃശ്യങ്ങളും സാമൂഹ്യ മാധ്യമങ്ങളില്‍ പ്രചരിക്കുകയും ഇത് വലിയ ചര്‍ച്ച ആവുകയും ചെയ്തിട്ടുണ്ട്.
