അതേസമയം, വാണിജ്യ വാഹനങ്ങള്‍ക്ക്‌ ഏര്‍പ്പെടുത്തിയിരുന്ന പരിസ്ഥിതി നികുതി 100 ശതമാനമാക്കി. 2005 ന് മുമ്പുള്ള ട്രക്കുകളെല്ലാം നിരോധിച്ചിട്ടുണ്ട്. കൂടാതെ, ഡല്‍ഹിയിലെ എല്ലാ ടാക്‌സികളും കാബുകളും 2016 മാര്‍ച്ച് 31 ന് മുമ്പ് സി എന്‍ ജിയിലേക്ക് മാറ്റാനും നിര്‍ദ്ദേശം നല്കിയിട്ടുണ്ട്.
ഇതൊന്നും കൂടാതെ, ഡല്‍ഹിക്ക് പുറത്ത് നിന്നുള്ള വാണിജ്യ വാഹനങ്ങള്‍ ദേശീയപാത എട്ടിലൂടെയും ഒന്നിലൂടെയും നഗരത്തില്‍ പ്രവേശിക്കുന്നതിനും വിലക്ക് ഏര്‍പ്പെടുത്തി. കെട്ടിടാവശിഷ്‌ടങ്ങളും നിര്‍മ്മാണ വസ്തുക്കളും റോഡില്‍ കൂട്ടിയിടരുതെന്നും നിര്‍ദ്ദേശമുണ്ട്.
