യുവാവ് പ്രതിശ്രുത വധുവിനെ വെട്ടി; യുവതി ആശുപത്രിയില്‍
മദ്യപിച്ചെത്തിയ യുവാവ് പ്രതിശ്രുത വധുവിനെ വെട്ടിപ്പരിക്കേല്‍പ്പിച്ചു. തിരുവനന്തപുരം വെള്ളായണിയിലാണ് സംഭവം നടന്നത്. ആക്രമിച്ച കുലശേഖരം സ്വദേശി വിജയകുമാറിനെ നേമം പൊലീസ് കസ്റ്റഡയിലെടുത്തു.
ഈമാസമാണ് ഇരുവരും തമ്മിലുള്ള വിവാഹം നിശ്ചയിച്ചിരുന്നത്. ഇതിനിടെയാണ് മദ്യപിച്ചെത്തിയ വിജയകുമാര്‍ പെണ്‍കുട്ടിയെ ആക്രമിച്ചതും വെട്ടി പരുക്കേല്‍പ്പിച്ചതും. തലയ്ക്കും കൈക്കും പരിക്കേറ്റ പെണ്‍‍കുട്ടി സ്വകാര്യ ആശുപത്രിയില്‍ ചികിത്സയിലാണ്. സംഭവത്തെ കുറിച്ച് കൂടുതല്‍ അന്വേഷണം നടത്തുമെന്ന് പൊലിസ് വ്യക്തമാക്കി.
