ലോക്സഭ മുന് സ്പീക്കര് പി എ സാംഗ്മ അന്തരിച്ചു. 79 വയസ്സായിരുന്നു. ഹൃദയാഘാതത്തെ തുടര്ന്നായിരുന്നു അന്ത്യം. ഡല്ഹിയിലെ വസതിയില് വെച്ചായിരുന്നു അന്ത്യം. ലോക്സഭ സ്പീക്കര് സുമിത്ര മഹാജനും മറ്റ് അംഗങ്ങളും മുന് സ്പീക്കറുടെ മരണത്തില് അനുശോചിച്ചു. വടക്കു കിഴക്കന് സംസ്ഥാനമായ മേഘാലയില് നിന്നെത്തി ദേശീയരാഷ്ട്രീയത്തില് മുന്നിര നേതാക്കളില് ഒരാളായ സാംഗ്മയുടെ ജീവിതം രാഷ്ട്രീയജീവിതം സംഭവബഹുലമായിരുന്നു.
