ഇറാനിയന്‍ കപ്പല്‍ സൊമാലിയന്‍ കടല്‍ കൊള്ളക്കാര്‍ തട്ടിയെടുത്തു. പിന്നാലെ രക്ഷകരായി ഇന്ത്യന്‍ നാവിക സേന. അറബിക്കടലിലാണ് ഇറാനിയന്‍ മത്സ്യബന്ധന കപ്പല്‍ കടല്‍ക്കൊള്ളക്കാര്‍ തട്ടിയെടുത്തത്. കൊച്ചി തീരത്തിന് 700 നോട്ടിക്കല്‍ മൈല്‍ അകലെയാണ് സംഭവം നടന്നത്. ഇറാന്റെ സഹായ അഭ്യര്‍ത്ഥന ഇന്ത്യന്‍ നാവികസേനയ്ക്ക് ലഭിക്കുകയായിരുന്നു. ഐഎന്‍എസ് സുമിത്രയിലെ ധ്രൂവ് ഹെലികോപ്ടര്‍ കപ്പലിന് സമീപമെത്തി വിട്ടുപോകാന്‍ കടല്‍ക്കൊളളക്കര്‍ക്ക് മുന്നറിയിപ്പ് നല്‍കി.
