റിയോ ഒളിമ്പിക്സിൽ ഗുസ്തിയിൽ ഇന്ത്യക്ക് വെങ്കല മെഡൽ സ്വന്തമാക്കി തന്ന സാക്ഷി മാലികിന് ഇനി മംഗല്യ നാളുകൾ. ഗുസ്തി താരവും സാക്ഷിയുടെ സുഹൃത്തുമായ സത്യവർധ് കാഡിയനുമായുള്ള വിവാഹ നിശ്ചയം ഞായറാഴ്ച നടന്നു. അർജുന അവാർഡ് ജേതാവായ സത്യവാൻ പെഹലേവാനിന്റെ മകനാണ് വരൻ. സാക്ഷിയുടെ വീട്ടിൽ വെച്ച് നടത്തിയ ചടങ്ങിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്.