രാജസ്ഥാനില്‍ മിഗ് വിമാനം തകര്‍ന്നു വീണു
രാജസ്ഥാനില്‍ ബാര്‍മറില്‍ മിഗ്-27 യുദ്ധവിമാം തകര്‍ന്നു വീണു. തകര്‍ന്ന വിമാനത്തിന്റെ ഒരു ഭാഗം വീണ് ബൈക്കില്‍ സഞ്ചരിക്കുകയായിരുന്ന യുവാവിന് പരിക്കേറ്റു. ലൂണ്‍ സിംഗ് എന്ന 26 കാരനാണ് പരിക്കേറ്റത്‌. ഇയാളുടെ പരിക്കുകള്‍ ഗുരുതരമല്ല . അപകടത്തില്‍ ഇയാളുടെ ബൈക്ക് പൂര്‍ണമായും നശിച്ചു. ഇയാളെ ആശുപത്രിയില്‍ പ്രവേശിപ്പിച്ചിരിക്കുകയാണ്.
വിമാനം തകര്‍ന്നു വീഴുന്നതിന് മുന്‍പ്‌ പൈലറ്റ്‌ രക്ഷപെട്ടതായാണ് വ്യോമസേന വൃത്തങ്ങള്‍ അറിയിച്ചിരിക്കുന്നത്. ജോധ്പൂരിലെ വ്യോമസേന താവളത്തില്‍ നിന്നും ഉത്തര്‍ലായിലേക്കുള്ള പതിവ്‌ പരിശീലന പറക്കലിനിടെയാണ് അപകടം. സംഭവത്തില്‍ വ്യോമസേന അന്വേഷണം ആരംഭിച്ചു.
