ഏപ്രില് 15നാണ് സംഭവത്തിനാസ്പദമായ കാര്യം നടന്നത്. ദമ്പതികളില് നിന്ന് 15000 രൂപ ഭീഷണിപ്പെടുത്തി വാങ്ങുകയും ഇവരുടെ നമ്പര് നോട്ട് ചെയ്ത് വയ്ക്കുകയും ചെയ്തു. വീണ്ടും ഇയാള് പണം ആവശ്യപ്പെടുകയായിരുന്നു. പിന്നാലെ ദമ്പതികള് പൊലീസുകാരനെതിരെ പരാതി നല്കുകയായിരുന്നു. പരാതി ലഭിച്ച ഉടന് പൊലീസുകാരനെ സര്വീസില് നിന്ന് പുറത്താക്കാനുള്ള നടപടി സ്വീകരിച്ചിരുന്നതായി ഹൈദരാബാദ് പൊലീസ് കമ്മീഷണര് പറഞ്ഞു.
