കൊച്ചി: തിരുവനതപുരം ഫോർട്ട് സ്റ്റേഷനിലെ ഉരുട്ടികൊലക്കേസിലെ മൂന്നു പ്രതികളുടെ ശിക്ഷ ഹൈക്കോടതി സ്റ്റേ ചെയ്തു. മൂന്ന്, നാല്, അഞ്ച് പ്രതികളായ ഡി.വൈ.എസ്.പി അജിത് കുമാര്‍, മുന്‍ എസ്.പിമാരായ ടി കെ ഹരിദാസ്, ഇ കെ സാബു എന്നിവരുടെ ശിക്ഷയാണ് ഹൈക്കോടതി സ്റ്റേ ചെയ്തിരിക്കുന്നത്.
ഗൂഢാലോചന, തെളിവു നശിപ്പിക്കല്‍,വ്യാജ രേഖ ചമയ്ക്കല്‍ തുടങ്ങിയ കുറ്റങ്ങള്‍ പ്രതികൾ ചെയ്തായി തെളിഞ്ഞ സാഹചര്യത്തിൽ അറ്‌ വർഷം തടവും 5000 രൂപ പിഴയും ഇവർക്ക് തിരുവനന്തപുരം സി ബി ഐ കോടതി ശിക്ഷ വിധിച്ചിരുന്നു. ഇതിനെതിരെ പ്രതികൾ നൽകിയ അപ്പീലിലാണ് ഹൈക്കോടതിയുടെ നടപടി.
