ഭീകരാക്രമണത്തിൽ പങ്കുണ്ടെന്ന ആരോപണമാണ് പാകിസ്ഥാൻ നിഷേധിച്ചത്. സംഭവത്തിൽ അന്വേഷണം നടത്തുന്നതിന് മുൻപ് തന്നെ ഇന്ത്യ കുറ്റം തങ്ങളുടെ മേൽ കെട്ടിച്ചമയ്ക്കാനുള്ള ശ്രമമാണ് ചെയ്യുന്നതെന്ന് പാകിസ്ഥാൻ ആരോപിച്ചു. തങ്ങൾക്കെതിരെ പ്രചാരണം നടത്തുന്ന ഇന്ത്യ, ഞങ്ങൾക്ക് യുദ്ധഭ്രാന്താണെന്ന് പറഞ്ഞു പരത്തുകയാണെന്നും പാക്ക് വിദേശകാര്യ വക്താവ് ആരോപിച്ചു.
അത്യാധുനിക ആയുധശേഖരവുമായി തീവ്രവാദികള്‍ സൈനിക ക്യാമ്പിലേക്ക് നുഴഞ്ഞുകയറിയതിനെ കടുത്ത സുരക്ഷാവീഴ്ചയായിട്ടാണ് എന്‍ഐഎയും ആഭ്യന്തരമന്ത്രാലയവും വിലയിരുത്തിയിരിക്കുന്നത്. ജമ്മു– പഠാൻകോട്ട് ബൈപാസിനോടു ചേർന്നുള്ള ഇൻഫൻട്രി വിഭാഗം 36 ബ്രിഗേഡിന്റെ ക്യാംപിലേക്കാണു സൈനിക വേഷത്തിൽ കനത്ത ആയുധശേഖരവുമായി ഭീകരർ ഇരച്ചുകയറിയത്. ആക്രമണത്തിൽ ആറ് ജവാന്മാരെയാണ് ഇന്ത്യക്ക് നഷ്ടമായത്.
