പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ കഴിയുന്ന ആസാറാം ബാപ്പുവിന്റെ കൈയ്യില്‍ നിന്നും 4ജി സ്മാര്‍ട് ഫോണ്‍ പിടികൂടി. ജോധ്പൂര്‍ ജയിലില്‍ കഴിയുന്ന ആസാറാം ബാപ്പുവിന് ഫോണ്‍ എങ്ങനെ ലഭിച്ചുവെന്നതിനെ കുറിച്ച് വ്യക്തമായിട്ടില്ല. അതിരാവിലെ ജയിലില്‍ പട്രോളിംഗ് നടത്തുകയായിരുന്ന ജയില്‍ വാര്‍ഡന്‍ ജയ്‌റാമാണ് ഫോണ്‍ കണ്ടെത്തിയത്. ജയിലിനുള്ളില്‍ വെച്ച് ഫോണില്‍ ആസാറാം ബാപ്പു ആരോടോ സംസാരിക്കുന്നത് കണ്ട ജയ്‌റാം ഫോണ്‍ പിടികൂടുകയായിരുന്നു.
