കേന്ദ്രസർക്കാരിൻ്റെ നിർദിഷ്ട അഗ്നിപഥ് പദ്ധതിക്കെതിരെ രാജ്യവ്യാപകമായി പ്രതിഷേധം ആളിക്കത്തുന്നു.സായുധസേനകളിൽ യുവാക്കൾക്ക് ഹ്രസ്വക്കാലസേവനം ലഭ്യമാക്കുന്ന പദ്ധതിക്കെതിരെ പ്രതിഷേധിക്കുന്നവർ ഇന്നും ട്രെയിനുകൾക്ക് തീയിട്ടു.ബിഹാറിൽ 2 ട്രെയിനുകൾക്ക് തീവെച്ച പ്രതിഷേധക്കാർ റെയിൽവേ ജീവനക്കാരെ ആക്രമിച്ചതായും വാർത്തയുണ്ട്.
ബിഹാർ,ഉത്തർപ്രദേശ്,ഹരിയാന,രാജസ്ഥാൻ,മധ്യപ്രദേശ്,ജമ്മു,ഉത്തരാഖണ്ഡ്,ഹിമാചൽ പ്രദേശ് എന്നീ ഉത്തരേന്ത്യൻ സംസ്ഥാനങ്ങളിലാണ് പ്രതിഷേധം ഏറ്റവും അധികം ഉള്ളത്. യുവാക്കൾ തെരുവിലിരങ്ങിയതോടെ പലയിടങ്ങളിലും പോലീസും പ്രതിഷേധക്കാരും തമ്മിൽ സംഘർഷമുണ്ടായി.ബിഹാറില്‍ ഇന്നലെയും മൂന്ന് തീവണ്ടിക്ക് തീയിട്ടിരുന്നു. പല ദേശീയപാതകളും റെയിൽ ഗതാഗതവും പ്രതിഷേധക്കാർ ഉപരോധിച്ചിരിക്കുകയാണ്.
