വീരചരമം വരിച്ച ഇന്ത്യയുടെ ധീരജവാന്‍ ഹനുമന്തപ്പയുടെ മകള്‍ ഇന്ത്യന്‍ ആര്‍മിയില്‍ ചേരുമെന്ന് ഹനുമന്തപ്പയുടെ വിധവ. ഭാവിയില്‍ മകളെ പട്ടാളത്തില്‍ ചേര്‍ക്കുമെന്ന് ഹനുമന്തപ്പയുടെ വിധവ മഹാദേവി അശോക് അറിയിച്ചു. മരിച്ച ജവാന്റെ കുടുംബത്തിന് നഷ്ടപരിഹാരമായി ഒരു ലക്ഷം രൂപ നല്‍കുന്ന ചടങ്ങില്‍ മഹാദേവി തന്റെ തീരുമാനം അറിയിക്കുകയായിരുന്നു. വ്യാഴാഴ്ച നാഗ്പൂരില്‍ നടന്ന ചടങ്ങില്‍ കേന്ദ്രമന്ത്രി നിതിന്‍ ഗഡ്കരിയുടെ ഭാര്യ കാഞ്ചനാണ് മഹാദേവിക്ക് ചെക്ക് കൈമാറിയത്.
