അണക്കെട്ടിലെ ജലനിരപ്പ് ഉയര്‍ന്ന സാഹചര്യത്തില്‍ മുല്ലപ്പെരിയാര്‍ ഉപസമിതി അണക്കെട്ട് സന്ദര്‍ശിക്കുകയും യോഗം ചേരുകയും ചെയ്തിരുന്നു. തമിഴ്നാട് കൂടുതല്‍ വെള്ളം കൊണ്ടുപോവാന്‍ തുടങ്ങിയിട്ടുണ്ട്. 2200 ഘന അടി വെള്ളം കൊണ്ടുപോകണമെന്ന് ജില്ലാ കളക്ടര്‍ തമിഴ്നാട് പൊതുമരാമത്ത് വകുപ്പിനോട് ആവശ്യപ്പെട്ടു. നിലവില്‍ 1850 ഘന അടി ജലമാണ് തമിഴ്നാട് കൊണ്ടുപോകുന്നത്.
അതേസമയം, ഈ പ്രതിസന്ധിസമയത്ത് ദുരന്തനിവാരണ ചുമതലയുള്ള ഡെപ്യൂട്ടി കളക്ടറെ അടിയന്തരമായി സ്ഥലം മാറ്റിയത് വന്‍ പ്രതിഷേധത്തിന് ഇടവരുത്തിയിട്ടുണ്ട്. മൂന്നാറിലേക്കാണ് ഡെപ്യൂട്ടി കളക്ടര്‍ ടി രാജനെ സ്ഥലം മാറ്റിയത്. പകരം ചുമതലയേല്‍ക്കേണ്ട ഉദ്യോഗസ്ഥന്‍ എത്തിയിട്ടുമില്ല. ടി രാജനാകട്ടെ സ്ഥലം മാറ്റ നടാപ്പാടിയില്‍ പ്രതിഷേധിച്ച് അവധിയില്‍ പോകുകയും ചെയ്തു.
