മുംബൈയിലെ തിരക്കേറിയ സാന്താക്രൂസ് റോഡില്‍ ശനിയാഴ്ച വൈകിട്ടാണ് സംഭവം നടന്നത്. യുവാവ് തന്റെ വയറില്‍ തൊഴിക്കുകയും നിലത്തുവീണ തന്നെ മുടിയില്‍ പിടിച്ച് ഏറെ ദൂരം വലിച്ചിഴച്ചുവെന്നും വസ്ത്രം വലിച്ചുകീറിയതായും യുവതി പറയുന്നു. തനിക്കു നേരെ അസഭ്യവര്‍ഷം ചൊരിഞ്ഞ യുവാവിനെ തടയാന്‍ ശ്രമിച്ചതോടെയാണ് അയാള്‍ തന്നെ ആക്രമിച്ചതെന്ന് യുവതി മാധ്യമപ്രവര്‍ത്തകരോട് പറഞ്ഞു. രക്ഷിക്കാനെത്തിയ സുഹൃത്തുക്കളെയും ഇയാള്‍ മര്‍ദ്ദിച്ചുവെന്നും 26കാരിയായ യുവതി പറഞ്ഞു.
