ചായക്കച്ചവടക്കാരന്‍ പ്രധാനമന്ത്രിയായത് ഇന്ത്യയുടെ മഹത്വമെന്ന് അമേരിക്കന്‍ പ്രസിഡന്റ് ബരാക് ഒബാമ. ഡല്‍ഹിയില്‍ സിരിഫോര്‍ട്ട് ഓഡിറ്റോറിയത്തില്‍ ക്ഷണിക്കപ്പെട്ട അതിഥികള്‍ക്കു മുന്നില്‍ സംസാരിക്കുകയായിരുന്നു അദ്ദേഹം. തന്റെ മുത്തച്‌ഛന്‍ പാചകക്കാരന്‍ ആയിരുന്നു. മിഷേലിന്റെ കുടുംബത്തില്‍പ്പെട്ടവരില്‍ മിക്കവരും അടിമവംശജര്‍ ആയിരുന്നു. തങ്ങള്‍ക്കൊക്കെ രാഷ്‌ട്രത്തിന്റെ നേതൃത്വത്തിലേക്ക് ഉയരാന്‍ കഴിഞ്ഞത് ഇരുരാജ്യങ്ങളുടെയും ജനാധിപത്യത്തിന്റെ മഹത്വം കൊണ്ടാണെന്നും അദ്ദേഹം പറഞ്ഞു.
