ബിജെപിയ്ക്ക് പുറമേ കോൺഗ്രസും തൊട്ടുപുറകേയുണ്ട്. 759 കോടി രൂപയുടെ ആസ്തിയാണ് കോണ്‍ഗ്രസിനുള്ളത്. അതില്‍ കോൺഗ്രസിന് 329 കോടിയുടെ ബാധ്യതയുമുണ്ട്. അതേസമയം ബിജെപിക്ക് 25 കോടിയുടെ ബാധ്യത മാത്രമേയുള്ളൂ. ബാങ്കുകളില്‍ നിന്നെടുത്ത വായ്പകളാണ് പ്രധാനമായും ബാധ്യതയായി കണക്കാക്കുന്നത്. 2004-05 മുതൽ 2015-16 വരെ വര്‍ഷങ്ങളില്‍ പാര്‍ട്ടികള്‍ വെളിപ്പെടുത്തിയ ആസ്തി സംബന്ധിച്ച കണക്കുകള്‍ ചേർത്താണ് അസോസിയേഷന്‍ ഓഫ് ഡെമോക്രാറ്റിക് റീഫോംസ് ഈ റിപ്പോര്‍ട്ട് തയാറാക്കിയത്.
