പത്മരാജന്റെ ഏറ്റവും മികച്ച ചിത്രങ്ങളില്‍ ഒന്നാണ് “കൂടെവിടെ?”. ആ സിനിമയില്‍ മമ്മൂട്ടി അവതരിപ്പിച്ച ക്യാപ്ടന് തോമസും റഹ്‌മാന്‍ അവതരിപ്പിച്ച രവി പുത്തൂരാനും ഇന്നും പ്രേക്ഷകരുടെ മനസില്‍ ജീവിക്കുന്നുണ്ട്. എന്നാല്‍ ക്യാപ്ടന് തോമസ് ആയി മമ്മൂട്ടി എത്തിയത് പത്മരാജന്റെ എതിര്‍പ്പിനെ അവഗണിച്ചാണെന്നതാണ് യാഥാര്‍ത്ഥ്യം.
യഥാര്‍ത്ഥത്തില്‍ ഈ കഥാപാത്രമായി പത്മരാജന് മനസില്‍ കണ്ടിരുന്നത് നടന്‍ രാമചന്ദ്രനെയായിരുന്നു. ഒരു പട്ടാളക്കാരന്‍റെ ശരീരസൌന്ദര്യമായിരുന്നു രാമചന്ദ്രനുണ്ടായിരുന്നത്. മാത്രമല്ല, പത്മരാജന്റെ ഏറ്റവും അടുത്ത സുഹൃത്തുകൂടിയായിരുന്നു രാമചന്ദ്രന്‍.
