പ്രേമമാണഖിലസാരമൂഴിയില്‍ എന്നതുപോലെയാണ് കാര്യങ്ങള്‍. മലയാള സിനിമാചരിത്രം പ്രേമത്തിനുമുമ്പ് - ശേഷം എന്നിങ്ങനെ വിഭജിക്കേണ്ടിവരുന്ന രീതിയില്‍ വലിയ ബോക്സോഫീസ് വിജയമാണ് അല്‍‌ഫോണ്‍സ് പുത്രന്‍ - നിവിന്‍ പോളി ടീമിന്‍റെ സിനിമ സ്വന്തമാക്കുന്നത്. ദൃശ്യവും ബാംഗ്ലൂര്‍ ഡെയ്സുമൊന്നും പ്രേമത്തിന്‍റെ പടയോട്ടത്തിനുമുമ്പില്‍ ഒന്നുമല്ല എന്നുറപ്പിക്കുന്ന മഹാവിജയം.
തിരുവനന്തപുരത്തെയും എറണാകുളത്തെയും പല സിംഗിള്‍ സ്ക്രീനുകളിലും ഏഴു ഷോകളാണ് പ്രദര്‍ശിപ്പിക്കുന്നത്. എന്നിട്ടും ടിക്കറ്റ് കിട്ടാതെ ആയിരങ്ങള്‍ മടങ്ങുന്നു. ഇപ്പോഴും ആ സോഷ്യല്‍ മീഡിയ ചൊല്ല് സത്യമായി തുടരുന്നു - പ്രേമത്തിന് കണ്ണും കാതുമല്ല, ടിക്കറ്റുമില്ല!
നിവിന്‍ പോളി, സായ് പല്ലവി, മഡോണ എന്നിവരുടെ തകര്‍പ്പന്‍ പ്രകടനവും പ്രണയം കിനിയുന്ന മുഹൂര്‍ത്തങ്ങളും ഒന്നാന്തരം പാട്ടുകളും പൊട്ടിച്ചിരിപ്പിക്കുന്ന നര്‍മ്മവുമാണ് പ്രേമത്തിന്‍റെ വന്‍ വിജയത്തിന് കാരണമായ പ്രധാന ഘടകങ്ങള്‍.
