ഗ്രന്ഥകാരനും വാഗ്മിയുമായ പ്രൊഫ എം കെ സാനുവിന് കേന്ദ്രസാഹിത്യ അക്കാദമി അവാര്‍ഡ്. ബഷീര്‍: ഏകാന്ത വീഥിയിലെ അവധൂതന്‍ എന്ന ജീവചരിത്ര ഗന്ഥമാണ് എം കെ സാനുവിനെ അവാര്‍ഡിന് അര്‍ഹനാക്കിയത്. ഒരു ലക്ഷം രൂപയും പ്രശസ്തിപത്രവും ശില്‍പവും അടങ്ങുന്നതാണ് അവാര്‍ഡ്.
ചങ്ങമ്പുഴ കൃഷ്ണപിള്ള: നക്ഷത്രങ്ങളുടെ സ്നേഹഭാജനം, അശാന്തിയില്‍ നിന്ന് ശാന്തിയിലേക്ക് - ആശാന്‍ പഠനത്തിന് ഒരു മുഖവുര, മൃത്യുഞ്ജയം കാവ്യജീവിതം തുടങ്ങിയവയാണ് എം കെ സാനുവിന്റെ മറ്റ് പ്രധാന കൃതികള്‍.
ഈ വര്‍ഷത്തെ പത്മപ്രഭാ സാഹിത്യ പുരസ്‌കാരവും എം കെ സാനുവിന് ലഭിച്ചിരുന്നു.
