കൊല്ലം പുറ്റിങ്ങല്‍ ക്ഷേത്രത്തിലെ വെടിക്കെട്ട് ദുരന്തത്തില്‍ മരിച്ചവരില്‍ ഇതുവരെ തിരിച്ചറിയാത്ത 13 മൃതദേഹങ്ങളില്‍ നിന്നും സാമ്പിളുകള്‍ ശേഖരിച്ച് ഡി എന്‍ എ ടെസ്റ്റിന് അയച്ചു. പല മൃതദേങ്ങളും സ്ഫോടനത്തില്‍ ചിന്നിച്ചിതറി തിരിച്ചറിയാന്‍ പറ്റാത്ത നിലയിലായിരുന്നു. ഇതോടെയാണ് ഡി എന്‍ എ ടെസ്റ്റ് നടത്താന്‍ സര്‍ക്കാര്‍ തീരുമാനിച്ചത്. അതേസമയം, തിരുവനന്തപുരം മെഡിക്കല്‍ കോളേജില്‍ 13 മൃതദേഹങ്ങളാണ് തിരിച്ചറിയാനുള്ളതെങ്കിലും 21 ഓളം പേരെ കാണാനില്ലെന്ന് കാണിച്ച് ബന്ധുക്കള്‍ പൊലീസില്‍ പരാതി നല്‍കിയിട്ടുണ്ട്.
മരിച്ചയാളുടെ പല്ല്, രക്തം, പേശി, അസ്തിമജ്ഞ, വേരോടെയുള്ള തലമുടി എന്നിവയില്‍ ഏതെങ്കിലുമാണ് ഡി എന്‍ എ ടെസ്റ്റിനായി ശേഖരിക്കുന്നത്. മരിച്ചയാളെ ഡി എന്‍ എ പരിശോധനയിലൂടെ 99.5 ശതമാനം വരെ കണ്ടുപിടിക്കാന്‍ കഴിയും.
