നിങ്ങള്‍ ഒരു സേവിങ്‌സ് അക്കൗണ്ട് ഉടമയാണെങ്കില്‍ അക്കൗണ്ട് കൈകാര്യം ചെയ്യുമ്പോള്‍ ശ്രദ്ധിക്കേണ്ട ചില പരിധികളുണ്ട്. ഈ പരിധികള്‍ ശ്രദ്ധിച്ചില്ല എങ്കില്‍ ആദായനികുതി നല്‍കേണ്ടി വന്നേക്കാം. ഒരു സാമ്പത്തിക വര്‍ഷത്തിനുള്ളില്‍ നിങ്ങളുടെ നിക്ഷേപം 10 ലക്ഷത്തില്‍ കൂടുതല്‍ കവിയാന്‍ പാടില്ല. അഥവാ നിങ്ങളുടെ നിക്ഷേപം 10 ലക്ഷത്തില്‍ കൂടുകയാണെങ്കില്‍ ബാങ്ക് തന്നെ ആ വിവരം ആദായ നികുതി വകുപ്പിനെ അറിയിക്കും.
അതുപോലെതന്നെ ഒരു ട്രാന്‍സാക്ഷനില്‍ നിങ്ങള്‍ക്ക് 2 ലക്ഷം രൂപയില്‍ കൂടുതല്‍ ഒരുമിച്ച് പിന്‍വലിക്കാനും ആകില്ല. കൂടാതെ ഒരു ദിവസം നിങ്ങള്‍ അന്‍പതിനായിരമോ അതില്‍ കൂടുതലോ തുക സേവിങ്‌സ് അക്കൗണ്ടില്‍ നിക്ഷേപിക്കുകയാണെങ്കില്‍ ആ വിവരവും ബാങ്ക് ആദായനികുതി വകുപ്പിനെ അറിയിക്കും. നിങ്ങള്‍ക്ക് എവിടെനിന്നാണ് ഇത്രയും വരുമാനം ലഭിക്കുന്നത് എന്ന് നിങ്ങള്‍ വ്യക്തമാക്കേണ്ടി വരും. അതോടൊപ്പം തന്നെ നിങ്ങളുടെ പാന്‍കാര്‍ഡ് വിവരങ്ങളും ബാങ്കിന് നല്‍കേണ്ടതായി വരും.
