അഞ്ചുതെങ്ങ് കൊച്ചുപള്ളിക്കടുത്ത് തൈവിളാകം സ്വദേശികളായ പസ്കാസി (55), ആന്‍റണി (45) എന്നിവരാണു മരിച്ചത്. കായലില്‍ മത്സ്യം കുറവായതിനാലാണു ഇവര്‍ അഞ്ചുതെങ്ങില്‍ നിന്ന് പെരുമാതുറയിലെത്തി എഞ്ചിന്‍ ഘടിപ്പിച്ച വള്ളത്തില്‍ മുതലപ്പൊഴിയിലൂടെ കടലിലേക്ക് പോയത്. എന്നാല്‍ അഴിമുഖത്ത് ശക്തമായ തിരയായിരുന്നതിനാല്‍ വള്ളം മറിയുകയായിരുന്നു.
വള്ളം മറിയുന്നത് കണ്ട് മറ്റ് മത്സ്യതൊഴിലാളികള്‍ സഹായത്തിനെത്തി ആന്‍റണിയെ കരയ്ക്കെത്തിച്ചെങ്കിലും ജീവന്‍ രക്ഷിക്കാനായില്ല. പുസ്കാസിനെ പിടികിട്ടിയപ്പോഴേക്കും മരിച്ചിരുന്നു. ലോറന്‍സ്, വിന്‍സെന്‍റ് എന്നിവരാണ് രക്ഷപ്പെട്ട മത്സ്യ തൊഴിലാളികള്‍.
