തലസ്ഥാനത്ത് അമിതവേഗത്തിലെത്തിയ കാറിടിച്ച് ബൈക്ക് യാത്രികനായ യുവാവിന് ദാരുണാന്ത്യം. പോത്തന്കോട് അയിരൂപ്പാറ പാറവിളാകം സൂരജാണ് (23) മരിച്ചത്. മുട്ടത്തറ കല്ലുംമൂട്ടിലായിരുന്നു അപകടം. അപകടത്തെ തുടര്ന്ന് കാറില് ഉണ്ടായിരുന്നവര് ഓടി രക്ഷപ്പെടാന് ശ്രമിക്കുകയും മൂന്നുപേരെ നാട്ടുകാര് പിടികൂടുകയും ചെയ്തു. ഒരാള് രക്ഷപ്പെട്ടിട്ടുണ്ട്. കാറിലുണ്ടായിരുന്നവര് മദ്യപിച്ചിരുന്നതായി നാട്ടുകാര് പറഞ്ഞു.
