പ്രളയക്കെടുതിയെ തുടര്‍ന്ന് നിര്‍ത്തിവച്ച ദീര്‍ഘ ദൂര ട്രെയിനുകളുടെ സര്‍വീസ് പുനഃസ്ഥാപിച്ചതായി റെയിൽ‌വേ അറിയിച്ചു. ഇതേ തുടര്‍ന്ന് എറണാകുളം-ഷൊര്‍ണൂര്‍ പാതയില്‍ ട്രെയിന്‍ സേർവീസ് ആരംഭിക്കും. തിരുവന്തപുരത്തുനിന്നും എറണാകുളം വരെ നേരത്തെ സര്‍വീസ് തുടങ്ങിയിരുന്നെങ്കിലും ഇവിടെ നിന്നും തൃശൂരിലേക്ക് സർവീസ് റദ്ദാക്കിയിരുന്നു.
വെള്ളപ്പൊക്കത്തെ തുടര്‍ന്ന് ആലുവ, ചാലക്കുടി, നെല്ലായി, വടക്കാഞ്ചേരി എന്നിവിടങ്ങളിലെ മേല്‍പ്പാലങ്ങള്‍ അപകടാവസ്ഥയിലാകുകയും പാളത്തില്‍ മണ്ണിടിഞ്ഞ് വീണ് ഗതാഗതം തടസപ്പെടുകയും ചെയ്തതോടെയാണ് ട്രെയിന്‍ ഗതാഗതം നിര്‍ത്തിവച്ചത്.
