സംസ്ഥാന സ്പോര്‍ട്സ് കൌണ്‍സില്‍ പ്രസിഡന്റായി ടിപി ദാസന്‍ തന്നെ നിയമിതനാകും; മേഴ്സിക്കുട്ടന്‍ വൈസ് പ്രസിഡന്റ് ആകും
തിങ്കള്‍, 11 ജൂലൈ 2016 (12:47 IST)
ആരോപണങ്ങള്‍ നിലനില്ക്കേ സംസ്ഥാന സ്പോര്‍ട്സ് കൌണ്‍സില്‍ പ്രസിഡന്റ് ആയി ടി പി ദാസന്‍ നിയമിതനാകും. പ്രസിഡന്റായി ടി പി ദാസനെയും വൈസ് പ്രസിഡന്റായി ഒളിമ്പ്യന്‍ മേഴ്സിക്കുട്ടനെയും നിയമിക്കുമെന്നാണ് റിപ്പോര്‍ട്ട്.
നിയമനം സംബന്ധിച്ച് സംസ്ഥാന സർക്കാരിന്‍റെ ഉത്തരവ് ഉടൻ പുറത്തിറങ്ങും. പ്രസിഡന്റ്, വൈസ് പ്രസിഡന്റ് എന്നിവരെ കൂടാതെ 15 അംഗങ്ങൾ ഉള്‍പ്പെടുന്ന കൗൺസിൽ ഭരണസമിതിയെയും നിയമിക്കും.
കൌണ്‍സില്‍ ഭരണസമിതിയില്‍ മുൻ ബാഡ്മിന്‍റൺ താരം ജോർജ് തോമസ്, വോളിബാൾ താരം കിഷോർ കുമാർ, കയാക്കിങ് അസോസിയേഷൻ പ്രതിനിധി ഡി വിജയകുമാർ എന്നിവർ അംഗങ്ങളായേക്കുമെന്നാണ് റിപ്പോര്‍ട്ട്.
