തിരക്കുള്ള ബസ്സുകളില്‍ മോഷണം തൊഴിലാക്കിയ നാടോടി സംഘാംഗങ്ങളായ രണ്ട് സ്ത്രീകള്‍ അറസ്റ്റില്‍. തമിഴ്നാട്ടിലെ തഞ്ചാവൂര്‍ കൊട്ടപ്പാളയം സ്വദേശികളായ സുശീല (48), ഇവരുടെ മകള്‍ വസന്തി (25) എന്നിവരാണു പിടിയിലായത്. സംഘത്തിലെ മറ്റുള്ളവരെ പൊലീസ് തിരയുകയാണ്‌.
തിരക്കുള്ള ബസുകളില്‍ കയറി സ്ത്രീകളുടെ ബാഗും ആഭരണങ്ങളും കവരുകയാണ്‌ ഇവരുടെ രീതി. ആലം‍കോട് കാരേറ്റ് റൂട്ടില്‍ ഓടുന്ന ആര്‍.കെ.വി ബസില്‍ വച്ച് വെമ്പായം സ്വദേശിനിയായ സ്ത്രീയുടെ ബാഗില്‍ നിന്ന് പതിനായിരം രൂപ മോഷ്ടിക്കുന്നതിനിടെയാണ്‌ ബസ് ജീവനക്കാരും യാത്രക്കാരും ചേര്‍ന്ന് ഇവരെ പിടികൂടി പൊലീസില്‍ ഏല്‍പ്പിച്ചത്.
