പാലാ സിന്തറ്റിക് സ്റ്റേഡിയത്തില്‍ നടന്ന സംസ്ഥാന ജൂനിയര്‍ അത്ലറ്റിക്ക് മീറ്റിനിടെ ഹാമര്‍ തലയില്‍ വീണു വിദ്യാർഥിക്ക് പരുക്കേറ്റ സംഭവത്തിൽ അത്‌‌ലറ്റിക്സ് ഫെഡറേഷൻ ഭാരവാഹികൾക്കെതിരെ കേസെടുത്തു. മത്സരങ്ങൾ അശ്രദ്ധമായി നടത്തിയെന്ന് ചൂണ്ടിക്കാട്ടിയാണ് കേസെടുത്തിരിക്കുന്നത്. അതിനിടെ, പരിക്കേറ്റ വിദ്യാർഥിയുടെ നില ഗുരുതരമായി തുടരുകയാണെന്നാണ് റിപ്പോർട്ട്.
അത്‌ലറ്റിക് മീറ്റിൽ വോളണ്ടിയറായി പ്രവർത്തിക്കുകയായിരുന്നു ആബേൽ. ജാവലിൻ മത്സരത്തിന് വോളണ്ടിയറായി പ്രവർത്തിച്ചു കൊണ്ടിരിക്കെ ഹാമർ ത്രോ മത്സരങ്ങളും നടക്കുന്നുണ്ടായിരുന്നു. ഹാമർ ത്രോ മത്സരത്തിനിടെ ദിശമാറിയെത്തിയ ഹാമറാണ് വിദ്യാർഥിയുടെ തലയിൽ പതിച്ചത്.
