സ്‌കൂളിലേക്ക് യാത്ര ചെയ്യവേ ഓട്ടോ ഡ്രൈവര്‍ നല്‍കിയ ജ്യൂസ് കുടിച്ച സ്‌കൂള്‍ വിദ്യാര്‍ത്ഥിനി ക്ലാസ് മുറിയില്‍ കുഴഞ്ഞുവീണു. മൂന്നാറിലുള്ള സര്‍ക്കാര്‍ സ്‌കൂളില്‍ പ്ലസ് ടൂവിന് പഠിക്കുന്ന വിദ്യാര്‍ത്ഥിനിയാണ് അധ്യാപകന്‍ ക്ലാസ് നടത്തുന്നതിനിടെ ക്ലാസിൽ കുഴഞ്ഞുവീണത്. ബോധം തെളിയാത്തതിനാൽ കുട്ടി മദ്യപിച്ചതായി അധ്യാപകൻ സംശയം പ്രകടിപ്പിക്കുകയും വിവരം പ്രിന്‍സിപ്പളിനെ അറിയിക്കുകയുമായിരുന്നു.
യാത്രയ്ക്കിടയിൽ ഡ്രൈവര്‍ വാഹനത്തില്‍ സൂക്ഷിച്ചിരുന്ന ജ്യൂസ് കുപ്പി വിദ്യാര്‍ത്ഥിനികള്‍ക്ക് നല്‍കി. ഇത് കുടിച്ച ശേഷം കുവിദ്യാര്‍ത്ഥിനികള്‍ സ്‌കൂളിലെത്തിയത് മുതല്‍ അസ്വസ്ഥകള്‍ പ്രകടിപ്പിച്ചെങ്കിലും കാര്യം അധ്യാപകരെ അറിയിച്ചില്ല. ക്ലാസ് ആരംഭിച്ചു പതിനൊന്ന് മണിയോടെ വിദ്യാര്‍ത്ഥിനികളിലൊരാള്‍ കുഴഞ്ഞുവീണതോടെയാണ് സംഭവം അധ്യാപകര്‍ അറിഞ്ഞത്.
