സംസ്ഥാനത്ത് പെണ്‍കുട്ടികള്‍ക്കെതിരേയുള്ള ലൈംഗികാതിക്രമങ്ങള്‍ വര്‍ധിക്കുന്നു. കഴിഞ്ഞ ആറു മാസത്തിനിടെ 427 കുട്ടികളാണ്‌ ലൈംഗികപീഡനത്തിന്‌ ഇരയായത്. പൊലീസ്‌ ക്രൈം റെക്കോര്‍ഡ്‌സ് ബ്യൂറോയാണ്‌ ഞെട്ടിക്കുന്ന കണക്കുകള്‍ പുറത്തു വിട്ടത്‌. 2008 മുതല്‍ 2014 ജൂലൈ വരെ 267 കുട്ടികള്‍ കൊല്ലപ്പെട്ടു. ഇക്കാലയളവില്‍ 2600 കുട്ടികള്‍ ബലാല്‍സംഗത്തിന്‌ ഇരയായി.
762 കുട്ടികളെ തട്ടിക്കൊണ്ടു പോയി. 43 പെണ്‍കുട്ടികള്‍ ശൈശവ വിവാഹത്തിന്റെ ഇരയായി, 75 കുട്ടികളെ മറ്റുള്ളവര്‍ക്ക്‌ കാഴ്‌ചവെച്ച കേസുകളുണ്ടായി. 2014 ജനുവരി മുതല്‍ ജൂലൈ വരെ സംസ്ഥാനത്ത് 23 കുട്ടികള്‍ കൊല്ലപ്പെട്ടപ്പോള്‍ 427 കുട്ടികള്‍ ബലാല്‍സംഗത്തിന്‌ ഇരയായി.
