ഹൈക്കോടതി നിര്‍ദേശം: ശബരിമലയില്‍ നിയന്ത്രണങ്ങളില്‍ ഇളവ് വരുത്തി പൊലീസ് - സുരക്ഷ ശക്തം
ഹൈക്കോടതി നിർദേശത്തെ തുടർന്ന് ശബരിമല സന്നിധാനത്തെ നിയന്ത്രണങ്ങള്‍ കുറച്ച് പൊലീസ്. വാവരുനടക്ക് സമീപമുള്ള ഓരോ ബാരിക്കേഡുകൾ മാറ്റി.
രാവിലെ നട തുറക്കുന്നത് മുതൽ 11.30 മണി വരെ വടക്കേ നടയിലെ തിരുമുറ്റത്ത് തീർത്ഥാടകർക്ക് വിശ്രമിക്കാനുള്ള സൌകര്യവും പൊലീസ് ഒരുക്കി.
വരും ദിവസങ്ങളില്‍ വാവര് നട, മഹാകാണിക്ക, ലോവർ തിരുമുറ്റം, വലിയ നടപ്പന്തൽ അടക്കമുള്ള സ്ഥലങ്ങളിലെ ബാരിക്കേഡ് അടക്കമുള്ള മുഴുവൻ നിയന്ത്രണങ്ങളും പൊലീസ് നീക്കിയേക്കും.
ഹൈക്കോടതിയുടെ നിര്‍ദേശത്തെ തുടര്‍ന്ന് വരും ദിവസങ്ങളില്‍ കൂടുതല്‍ നിയന്ത്രണങ്ങള്‍ ഒഴിവാക്കാനാണ് പൊലീസിന്റെ തീരുമാനം. എന്നാല്‍, ശക്തമായ സുരക്ഷയൊരുക്കുന്നതില്‍ വിട്ടു വീഴ്‌ചയുണ്ടാകില്ല. മൂന്നാം ഘട്ടത്തില്‍ 4,026 പൊലീസ് ഉദ്യോഗസ്ഥര്‍ ആകെ സേവനത്തിനുണ്ടാകും.
