തിരുവനന്തപുരം: മുക്കുപണ്ടം പണയം വച്ച് 120000 രൂപാ തട്ടിയെടുത്ത യുവതിയെ പോലീസ് അറസ്റ്റ് ചെയ്തു. ആറ്റിങ്ങല്‍ മണമ്പൂര്‍ തൊട്ടിക്കല്ല് ലക്ഷം വീട് കോളനി നിവാസി റസീന ബീവി (45) യാണ് ആറ്റിങ്ങല്‍ പോലീസിന്റെ പിടിയിലായത്. ആറ്റിങ്ങല്‍ കച്ചേരി ജംഗ്ഷനിലെ ജെ.സി. ഫിനാന്‍സ് എന്ന സ്ഥാപനത്തില്‍ വ്യാജമായി '916' മുദ്ര പതിപ്പിച്ച 3 മുക്കുപണ്ടം വളകള്‍ പണയം വച്ചാണ് ഇവര്‍ പണം തട്ടിയെടുത്തത്.
വ്യാജ തിരിച്ചറിയല്‍ രേഖ നല്‍കി കഴിഞ്ഞ ഒക്ടോബറിലായിരുന്നു ഇവര്‍ പണം തട്ടിയെടുത്തത്. സമാന രീതിയില്‍ ഇവര്‍ക്കെതിരെ പണം തട്ടിയ 30 ഓളം കേസുകള്‍ ആറ്റിങ്ങല്‍, ചിറയിന്‍ കീഴ്, കടയ്ക്കാവൂര്‍, കല്ലമ്പലം എന്നീ പോലീസ് സ്റ്റേഷനുകളില്‍ നിലവിലുണ്ട്.
